الرسالة موقع إخباري متنوع
مقالات مشابهة
الأمين العام لحزب الله نعيم قاسم طلع وقال تصريحات مهمة جداا ومثيرة جدا ،ومن بين أخطر ما قاله أن هناك دول كبرى ودول عربية بتضغط بشكل مباشر على الرئيس اللبناني جوزيف عون عشان تعمل شرخ وفتنة بين رأس الدولة وبين المقاومة وجمهورها، يعني عايزين يولّعوا البلد من جوه ويكسبوا على دم اللبنانيين.ومن بين الكلام المهم اللي قاله أنه شايف أن دولة الاحتلال الإسرائيلي في أضعف مراحلها لأنها لم تستطع الحسم في غزة ولا في لبنان وتعتمد اعتماد كلي علي أمريكاا الضغط الخارجي… لعبة قديمة بس خطيرةالكلام واضح: ضغوط سياسية وإعلامية واقتصادية، هدفها مش “استقرار لبنان” زي ما بيقولوا، الهدف الحقيقي إنهم يفككوا الجبهة الداخلية، يكسّروا أي توافق، ويزرعوا الشك بين الدولة والمقاومة، لأنهم عارفين إن أي صدام داخلي هو أكبر هدية للاحتلال. خلافات موجودة… بس الفتنة مرفوضةنعيم قاسم أكد إن في اختلافات في الأسلوب وبعض الملفات مع الرئيس اللبناني، بس رغم كده الاتنين متفقين على خطوط حمراء: لا فتنة، لا حرب أهلية، لا تسليم البلد للفوضى، في اتفاق على وقف العدوان وتحرير لبنان والنهوض بالدولة، وده اللي مش عاجب أطراف كتير بره. التنسيق بدل الصدامالرسالة كانت أذكى من كده: في لقاءات، في تنسيق، في تنظيم للخلاف، لأن اللي فاكر إن لبنان هيتحكم فيه بالضغط والتهديد واهم، الشعب اللي دفع آلاف الشهداء مش هيقبل يتجرّ لمعركة داخلية عشان مصالح غيره. الاحتلال مستفيد الوحيدوسط كل ده، إسرائيل مكملة خروقاتها، ضرب، شهداء، احتلال أراضي، واللي بيحصل سياسياً بيخدمها 100%، لأن أي خلاف داخلي بيوجّع لبنان أكتر من أي صاروخ.السؤال اللي لازم نسأله بجدمين مستفيد من كسر لبنان من جوه؟ومين عايز يلبّس الرئيس في مواجهة مع جزء كبير من شعبه؟وليه الضغط دايماً بييجي في لحظات حساسة؟
