الرسالة موقع إخباري متنوع
مقالات مشابهة
المعطيات بتقول إن إيران مش ناوية تضرب الخليج المرة بالصواريخ بس.. مسؤولين إيرانيين تحدثوا بتصريحات محكمة، إن عندهم خطط جاهزة لضرب كابلات الإنترنت البحرية في الخليج لو اتهاجموا تاني، ومنع إصلاحها عشان الانقطاع يطول..يعني بعد الضربة الأولى أي محاولات لإصلاح الكابلات أو استعادة حركة البيانات هيتم قصفها..الحرس حدد 7 كابلات رئيسية تحت مضيق هرمز، ومحسن رضائي هدد بتدمير مراكز البيانات ومنشآت الذكاء الاصطناعي المرتبطة بأمريكا في منطقة الخليج بالكامل.. يعني اللي صرف المليارات عشان يبقى عاصمة التكنولوجيا من سنوات ممكن يصحى يلاقي نفسه من غير إنترنت ولا بنوك ويرجع حرفيا لحياة القرن 19..أحب افكرك إن في الحرب العالمية الأولى أغسطس 1914، بريطانيا ماضربتش ألمانيا بمدفع.. بل قطعت كابلات التلغراف بتاعتها تحت البحر، وعزلتها عن العالم في ساعات.. وده كان له تأثير سلبي على قوة ألمانيا في الحرب بالكامل. بعد أكتر من 100 سنة، إيران بتلعب نفس اللعبة..واللي فاكر إن ده تهويل يتذكر يناير 2008، لما كابلات إنترنت اتقطعت في البحر المتوسط قدام إسكندرية، والإنترنت وقع في مصر والخليج والهند مرة واحدة.. ويفتكر 2024 لما 4 كابلات في البحر الأحمر اتضررت بعد قصف قوات صنعاء لسفينة تابعة للكيان الصهيوني وغرقت، ومرساتها جرّت في القاع ولمست بعض الكابلات..وقتها انخفضت قدرة الإنترنت في بعض الدول 25% تقريبا لعدة أيام عقبال ما صلحوها..أما كابلات مضيق هرمز حضرتك ما بتتكلمش عن كابلات ممكن تتقطع بطريقة غير مقصودة وتتصلح، ولكن المرة دي متعمده وهتخضع لكل قوانين الحرب..والسؤال دلوقتي: مين اللي هيدفع تمن الحرب دي فعلا..؟!.. هل دول المنطقه اصبحت عاجزه تماما لدرجه انها مش قادره توقف حرب ممكن تدمرها؟
